ስለ እኛ

ታሪካችን

እንዃን ወደ ሙላት ፀጋ የአረጋዊያን መረጃ ድርጅት በደህና መጣችሁ። ታሪካችን የሚጀምረው በጎንር ኢትዮጲያ ነው። በዘራችን የተቸገሩ መርዳትን ሲወርድ ሲዋረድ የመጣ ልምድ ነው። በልጀነታችን እያየን ያደግነው ወላጆቻችንና አያቶቻችን ፣ ልባቸውንና ቤታቸውን ለአዛዉንቶች ፣ ጎረቤቶችና ፣ ዘመዶች ክፍት በማድረግ ፣ ምግብ በመለገስ ፣ ጏደኛ በመሆን ፣ ቤቴ ቤትህ( ቤትሽ) በማለት ሳይሳቀቁ እንደልባቸው በመግባትና በመውጣት የሚአስፈልጋቸውን ሁሉ ሲያደርጉላቸው ነው። ሙላት ፀጋ የአረጋዊያን መረጃ ድርጅት የሃይማኖት ተቋም ባይሆንም ፤ የራዕይአችን ምንጩ የክርስትና እምነታችን ነው። ሌሎችን በማገልገል እናምናለን ፤ በተለይ አረጋዊያንን። ይህን በማድረግ የክርስቶስን ፍቅርና ደግነት ምሳሌ እንከተላለን። አረጋዊያንን መንከባከብ ለኛ ሃላፊነት ብቻ ሳይሆን መታደልም ነው። ከኛ በፊት የመጡትን በተለያዩ የህይወት ዉጣ ዉረድ በማለፍ ያገለገሉንን ማክበርና "እንወዳችኋለን" በማለት ፍቅራችንንና አድናቆታችንን መግለፅ መንገዳችን ነው።

ድርጅታችን የተሰየመው በሁለት እንቁ ሰዎች ስም ነው። ሙላት "ባባ" ታደሰና ፀጋ "ናነይ" ጣፈጠ ፤ የድርጅቱ መስራቾች አባትና እናት ናቸው። ወላጆቻችን ለኛ የደግነት ምሳሌዎች ናቸው። በአስቸጋሪ ጊዜ እንኳን ያላቸውን ትንሽ ነገር ባባና ናነይ አይጠቀሙም። ከተራቡና ከተረሱት አረጋዊያን ጋር ተካፍለው ሲበሉ እያየን ነው ያደግነው። ደግነታቸው ለይታይነት ሳይሆን የህይወት መንገዳቸው ነበር። ለልጆቻቸውና ለሚአውቋቸው ሁሉ መልካም ምሳሌ ሆነውናል። 

መስራቾች ቤኢትዮጲያ ብዙ አዛውንት ለመኖር ሲታገሉ በማየታችን ወላጆቻችን ሲያደርጉት ከነበረው በተሻለ መንገድ ተደራጅተን ለማስቀጠል ጥሪ እንዳለን ተሰማን። ስለዚህ ሙላት ፀጋ የአረጋዊያን መረጃ ድርጅት እውን እንዲሆን አደረግን።

ድርጅታችን ትርፍ የለሽ ድርጅት ብቻ አይደለም ፤ ለኛ ጥሪ ነው። የወላጆቻችንን ህልም ማሟላት ነው። በየቀኑ የምንሰራው ሁሉ የሚመራን ጥሪያችን ነው። በፍቅር ሰዎችን ማገልገል ዋናው አላማችን ነው። በየቀኑ የምንሰራው በመርዳት መንፈስ እየተማርን ነው። አሁን በጎንደር የተጀመረው አንድ ቀን በመላው ኢትዮጲያና በመላው አለም ይስፋፋል የሚል ህልም አለን። 

እባክዎትን ይቀላቀሉን